O Grupo

Os d’Abaixo apareceron no ano 2010 co obxectivo de promover e animar bailes e festas tradicionais na contorna de Compostela. O seu repertorio recolle algunhas das pezas populares máis coñecidas da música galega xunto con novas achegas de fontes tradicionais ou de nova composición.

O grupo está integrado por músicos que estiveron toda a vida vinculados ao folclore de Galiza, como por outro provintes de bandas folk de amplia traxectoria como son Berrogüetto ou Fía na Roca.

Nos seus directos ofrecen unha selección de música cargada de forza e enerxía, que entronca cun profundo respeto aos patróns da música tradicional co fin de incitar ao baile máis ancestral, que é unha peza fundamental na tradición musical de Galiza. Pero iso si, sempre buscando un son actual e en constante evolución.

Na primavera de 2014 edítase o primeiro disco do grupo “Ao vivo en Lorient”, que recolle 16 pezas gravadas nos concertos feitos en 2013 neste festival bretón. Tres anos despóis, na primavera de 2017, sae á luz o seu segundo disco “Quixera ser dos paxaros”, o primeiro gravado en estudio e no que se recollen unha maioría de temas inéditos para o folc galego, resultado dun gran traballo de investigación por parte de Xosé Ramón Vázquez, daquela acordeonista do grupo.

No ano 2019 incorpórase Santi Cribeiro, dando lugar á formación actual da banda, que despois de dous anos de traballo editan o que sería o seu terceiro diso titulado “Somos a pedra” (decembro 2021) no que, ademáis da tradición e investigación que acompañan ao grupo desde os seus inicios, cobran unha maior presenza os temas de composición, aportando novas sonoridades melódicas ao xa extenso repertorio destes composteláns. Ademáis, neste disco contan coa colaboración de grandes referencias da música de raíz da península como son Eliseo Parra, Xavi Lozano e a cantante portuguesa María João.

Os d’Abaixo son

Richi Martín

percusións

Gom Goás

guitarra e coros

Santi Cribeiro

acordeón e coros

Quim Farinha

violín e coros

Xacobe Varela

voz, bouzouki e gaita

Roberto Rama

gaita, saxo, pandeireta e coros

Percorrido

Os d’Abaixo teñen tocado en diversas festas e festivais de Galiza e tamén fóra dela

  • Festival de Músicas do Mundo, (maio 2012, Etxarri-Aranaz-Navarra)
  • Le Grand Bal de l’Europe (xullo 2012, Gennetines-Francia)
  • Festival Intercéltico de Lorient (agosto 2013, Lorient-Bretaña)
  • Calan Mai, a festa da primavera celta (maio de 2014, Cardiff-Gales)
  • Festival Folk (novembro de 2017, Eivissa)
  • Festival Internacional de Música Popular i Tradicional (xuño de 2018, Vilanova i la Geltrú)
  • Brosella Folk & Jazz (xullo de 2018, Bruxelas)
  • Festival do Mundo Celta de Ortigueira (xullo de 2018, Ortigueira)
  • Festa do Caldo de Quintandona (setembro de 2018, Penafiel -Portugal-)
  • Wackelstein Festival (xullo de 2019, Amaliendorf -Austria)
  • Festival do Mundo Celta de Ortigueira (xullo de 2022, Ortigueira)
  • Festival Intercéltico do Morrazo (xullo 2022, Moaña -Pontevedra-)

Premios e recoñecementos

Galardoados

  • IX edición dos Premios Martín Códax da Música na categoría de música folk (2022)

Finalistas

  • Premios aRi[t]mar -galiza e portual- (2021)
  • IV edición dos Premios Martín Códax da Música na categoría de música folque (2017)
  • V edición dos Premios Martín Códax da Música na categoría de música tradicional e folque (2018)
  • VI edición dos Premios Martín Códax da Música na categoría de música tradicional e folque (2019)